Fahad Yasin “Ninkii aan ku badalan-lahayn baan ku mashquulsanahay, Kheyre waan kala guurnay”

0
22

Kooxaha uu ku shaqaysato Fahad Yasin; Cabdishakuur Cali Mire [Gaala-eri], Siyaad Maxamud Shire iyo Cabdiraxman Dhere ayaa waxa ay ka wadaan dalka gudihiisa  iyo dibadiisa olole looga takhalusayo Xasan Kheyre.

Waxaad hoteelada iyo goobaha lagu kulmo ee magalaadda Muqadisho  ku arkaysaa  kooxo uu soo adeegsaday  Fahad Yasin oo  sheegayo in  dalka uu dhawaan ka dhici doono isbadal siyaasadeed, gaar ahaan in dhawaan la badali doono Xasan Kheyre.

“ Waxaan kuu sheegayaa in waqtiga Kheyre soo dhamaaday, ninkaas (Kheyre)  Fahad Yasin waa uga soo dhamaatay, adigaba qiyaas marba hadii Fahad uu soo tufay maxaa u haray?, walaaahi Farmaajo ma hayn karo  Kheyre marnba hadii Fahad kii xukunka ku haayay ay ka soo go’aday in Kheyre baxo” ayuu yiri Siyaad Maxamud Shire.

Dhanka kale Fahad Yasin ayaa u sheegay saaxibadiisa in a ay adkaan doonto  in xukunka ay ku sii nagaadaan hadii aanan isbadal deg deg ah la sameeynin.  “ Ninkii aan ku badalan lahayn ayaan ku mashquulsanahay, laakiin Kheyre waanu kala guurnay”. Ayuu yiri Fahad, mar uu la hadlaayay qaar kamida xildhibaanada Baarlamaanka.

Asbuucyadii la soo dhaafay ayaa Fahad iyo kooxaha  u adeega waxa ay ku mashquulsanaayeen soo xulista qofkii ay ku badalan lahaayeen Xasan Kheyre, kaas oo ah shaqsi ka tarjumi karo danahooda diimeed iyo midkooda gaarka ah.

Sida Tebiyenews loo xaqiijiyay, liiska Fahad waxaa ku jira siyaasiyiin gacan saar la leh isaga, qaar uu u arko in ay u adeegi karaan danahiisa  gaarka ah ama ay wadagaan xulufeysiga diimeed. Liiska waxaa ka mida; Cabdikarin Guleed, Nuur Fuursade, Cali Maxamed Geedi,  Dahir M Geele, Xildhibaan Cabdulqaadir Cosoble Cali , Cabdiraxmaan Baadiyow, Abshir Bukhaari,  Cabdbdirahman Dahir  Cusman, Cumar Dhageey.

Dhanka kale beesha Murusade ayaa ka falcelisay arintaas iyaga oo sheegay in ayan marnaba ogolaan doonin in Fahad Yasin uu Kheyre ku bahdilo Muqdisho. “ ..u sheega Fahad, isagaa baxaayo ee Kheyre meel uma socdo.. waxaana kula talinayaa in uu raadsado meeshuu aduunka uga noolaan lahaa hadii uu isku dayo in uu Kheyre ceyriyo isaga oo adeegsanayo awooda uu ku leehaya dowlada” Sidaa waxaa yiri M. Cabdikarion Gambe oo  ah ninka lacagaha u hayo Xasan Kheyre.

LEAVE A REPLY

Please enter your comment!
Please enter your name here