Ciidamada Xoogga dalka & kuwa AMISOM oo la wareegay Saldhigyo ay ku sugnaayeen Al Shabaab

0
20

Howlgalka Midowga Afrika ee AMISOM ayaa soo saaray warbixin la xiriirta howlgalladii ugu dambeeyay ee Ciidamada Xoogga Dalka iyo AMISOM,  ay ka sameeyeen degmooyin & degaano ka tirsan Gobolka Shabeellaha Hoose.

Qoraal kasoo baxay AMISOM ayaa waxaa lagu sheegay in Ciidamada dowladda & kuwa AMISOM ay howlgalkii ugu dambeeyay ku qaadeen degaananda Mishaani iyo Doonka daafeedow, oo ka tirsan Gobolka Shabeellaha Hoose , halkaas oo ay ku dileen Xubno ka tirsan argagixisada Al Shabaab.

Abaanduulaha Ciidamada Uganda ee qeybta ka ah AMISOM Gen. Don William Nabasa  ayaa sheegay in howlgallada oo ay siwadajir ah u fuliyeen Ciidamada Xoogga Soomaaliya iyo AMISOM, ay fuliyeen hawlgallo isdaba joog ah oo loogu talagalay in lagu wiiqo awoodaha maleeshida  Al Shabaab.

Sidoo kale waxaa uu sheegay in Ciidamada dowladda & kuwa AMISOM ay weerareen 12-kii Bishan Febaraayo Tuulada Adimole, halkaas oo ay isku aruursanayeen Al Shabaab, si ay u weeraraan fariisimaha ciidamada AMISOM.

Warkan kasoo baxay taliska Ciidamada howlgalka AMISOM ayaa waxaa uu kusoo aadayaa xilli  maalmahii danbe ay sii kordhayeen weerarada Ciidamada Xoogga iyo kuwa nabad ilaalinta AMISOM, ay ka fulinayeen degaano ay ku dhumaleysanayeen haraadiga Al Shabaab.

LEAVE A REPLY

Please enter your comment!
Please enter your name here