AKHRISO:- Qarax Xoogan Oo Lala Eegtay Dhuun Gaaska Dabiiciga Soo Qaada

0
5

Dowladda Iran waxay maanta sheegtay in la joojiyey Gaaskii Dabiiciga ee u gudbin jirey dalka Turkiga, kadib, markii ay Kooxo aan la aqoonin ay qarxiyeen dhuuntaasi

Agaasimaha Shirkadda Gaaska Qaranka Iiraan, Mehdi Jamshidi Dana oo la hadlay Telefishinka Dowladda Iran waxa uu tilmaamay inay Kooxo Argagixiso ah weerareen Dhuuntaasi meel ku dhow Gobalka Bazargan una dhow Xuduudka dalka Turkiga.

Waxa uu sheegay in Dhuuntaasi la qarxiyey dhowr jeer, isla markaana ay ka shakisan yihiin inay Maleeshiyadda Kooxda PKK ka dambeeyaan Kharbudadaasi.

Agaasimaha waxa uu intaasi ku daray inay Ciiddanka Ilaaladda Xuduudka ee Turkiga ka wada tageen Xuduudka, kadib, markii uu Iran ka dillaacay Caabuqa COVID 19, lana xiray Xuduudka Labada Waddan.

Dayactirka Dhuuntaasi waxaa la sheegay inay qaadan karto muddo dhowr maalmood ah, iyadoo ay dhuuntaasi sanadkiiba ka gudbi jirtey 10 Billion oo mitir Kubik oo Gaaska Dabiiciga ah.

LEAVE A REPLY

Please enter your comment!
Please enter your name here